Youtube, profesionalen ala prosumerren repositorioa?

Denok ezagutzen dugu Youtube bideoteka erraldoia. Baina, zaila da profesionalen edo prosumerren repositorioa den determinatzea. Argi dago, youtubeko bideo guztien artean gehien ikusi direnen zerrendan nagusitasun handia dutela telebista enpresa edo hedabide famatuek egindako bideoak, konkretuki musika bideoak edo iragarkiak. Halaere, 3. postuan dagoen bideoa ez da profesionala, guztiz amateur-a baizik. Etxean egindako kalitate txarreko bideo askok bideoklip multimillonario batzuk baino askoz bisita gehiago dituzte. Gainera, ikusitakoenen artean dauden bideo profesionalen "meritua" ez da, inolaz ere, prosumerren bideoena bezain handia. Megaprodukzio horiek edozein hedabideetan edukiko lukete arrakasta berdina, normala da Youtube-n bisita asko izatea. Aldiz, bideo etxetiar sinple horiek igo dituzten pertsonek ez zuten inolaz ere espero horrenbesteko arrakasta izango zutenik. Beraz, nere ustez Youtube webgunea prosumerrentzako gunea da, jendeak aukera duelako norberaren produkzio txikiek arrakasta handia izatea, batzutan produkzio profesionalen gainetik ere.

Argazkian klik egin Youtuberen top 10a ikusteko.

Musika etxeko logelatik

Beharrezkoa al da gure abesti propioak grabatzeko sekulako baliabideak izatea? Disketxe profesional batek "fitxatzea"? Kontaktu onak izatea? Noski ezetz. Instrumentu bat (kasu honetan teklatua), ordenagailua eta mikrofono dezente batekin soberan daukagu musika egin eta, batezere, grabatzeko. Baina kasu konkretu honetan, bideoko protagonista Ebrahim-ek gauza horietan gain beste zerbait dauka: talentua. Hona hemen bere bi bideo, etxean egindako grabaketak dira, bukle edo errepikapen sistema erabiliz.

Wikileaks-en albiste laburra

ERRESUMA BATUAK WIKILEAKSEKO SORTZAILEA  BALDINTZAPEAN ASKE UZTEA ERABAKI DU

Hala ere, ezin da oraindik espetxetik atera, fiskalak helegitea aurkeztu duelako Suediaren aginduz. Sexu erasoengatik salatuta astebete kartzelan egon ondoren, 240.000 librako bermea ordaindu behar du, eta diru hori lortzeko laguntza boluntarioak jasotzen ari da.

Wikileaks, irabazi interesik gabeko nazioarteko erakunde bat da. Bere webgunean, gobernu eta administrazio publikoen txosten sekretuak argitaratzen dira. Hala ere, webgune honekiko nazioarteko boikotak etengabekoak dira.
Iturria: Berria egunkaria

Artikuluaren laburpena: “Radio y TV: ni siquiera una fuente por pieza”

Testu hontan, Madrilgo Camilo José Cela unibertsitateak egindako ikerkuntza baten emaitzak aurkezten dira. Bertan, telebistan eta irratian erabiltzen diren iturri kopuruen defizita agerian uzten da. Ikerketak dioenez, informazio unitate bakoitzak iturri baten 0,71 erabiltzen du. Beraz, informazioa kontrastatzeko aukera galdu egiten da, ez dagoelako ezta iturri oso bat informazio unitate bakoitzeko.

Ondorioz, iturrien eskasiak hedabideen edukiekiko kontrol handia ematen diela argi uzten da.

Bestelako publizitatea

Hona hemen "viral advertaising" baten adibide on bat. Tippex markaren iragarki bat da, non youtubeko bideo erreprodukzio bat simulatzen den. Berrikuntza bezala, ikusleak edo hartzaileak iragarkian parte hartu dezake, hutsunean nahi duena idatziz eta erreproduzitzeari emanez.

Iragarki dibertigarri, orijinal, eta seguraski, arrakastatsua.

Argazkian klik egin iragarkiaren orrialdera joateko:

2. atazako ariketa, gazteluaren dokumentala laburra

Hona hemen gure gazteluaren lana: Hondarribiko Karlos V.aren gaztelua.

Hondarribi posizio estrategiko batean egon da betidanik, itsasora irekia zegoelako. Oso leku ona atakatzeko, baina era berean asko defendatu beharreko herria zen.

Defentsa horren ikur esanguratsuena KARLOS V.REN gaztelua da, herrian bertan kokatua dagoena. Bertan monarka asko bizi izan dira, esaterako, Felipe IV.a, Pirineotako Tratatua sinatu zuen egunetan, 1659an. Gogoratu, tratatu horri esker bakea sinatu zela Frantzia eta Espainiaren artean, 20 urteko gerrari amaiera emanaz.

1968an, berregokitua eta eraldatua izan zen, Turismoaren Paradore Nazional bilakatuta, gaur egun betetzen jarraitzen duen funtzioa, Gipuzkoako Paradore bakarra izanik.

Web TV mintegia, Leioan

Pasa den egunean, Leioan izan genuen Web TV mintegian, internetezko telebistari buruz hitz egiten. 

Lehen, telebista ikustearen ekintza taldeko ekintza bat zen, etxean normalean telebista bakarra zegoelako, eta noski, desberdina zen jendeak informazioari ematen zion garrantzia. Kontutan hartu behar da antzina kate oso gutxi zeudela eta informazioak kontrastatzea oso zaila zela.

Gainera, telebista ezin zen ikuslegoarekin komunikatu, ez zeudelako beharrezko baliabide teknologikoak.

Gaur egun, ordea, telebista ikustearen kontzeptua geroz eta indibidualistagoa da. Toki askotan dauka jendeak bere telebista propioa, hau da, pertsona bakoitzeko telebista bat dagoela etxe askotan, edo lehen baino askoz gehiago.

Gainera, berrikuntza teknologikoei esker ikuslegoa komunikatu daiteke telebistarekin, edukia kontrastatu, komentatu nahiz baloratuz. Lehen edukia galtzen zen arren, orain informazioak denbora batez irauten du , bideoak gordez, eta sare sozialetan komentatuz.

Hitz egin zutenen artean, RTVE-ko Jose Juan Gutierrez zegoen.

Bideo hau Gorka Palazio irakasleak igo du, Jose Juan Gutierrez-en baimenarekin.

Hemen, Gonzalo Martini egindako elkarrizketa azkar bat eta bere hitzaldi bat dauzkazue, Gorka Palaziok grabatuak eta bere www.palazio.org webgunetik hartuak.

Chroma Key Tutoriala

Hemengo bideo honetan, publizitateari buruz hitz egiten da.

Publizitatearen analisi bat egiten da, analisi nahiko deskriptiboa. Hau da, publizitatea zer den azaldu nahi da, ez da publizitateari buruz egiten den kritika-bideo edo promozio spot bat. Hala ere, gogoetarako aukera ematen dio ikusleari, publizitatea artea bezala planteatzerakoan: publizitatea artea al da?

Bideo honetan azpimarragarriak dira ere baliabide teknikoak. Hasieran kroma umorez erabiltzen da, ikasten ari geran ikasleontzat barregarria suerta daitekeena. Off-eko ahotsa asko erabiltzen da, nahiz eta aurkezlea egon.

Imajinaren kalitate kaskarra oztopo txiki bat izan daiteke batzuentzat.

Ken Block, DC infocomercial

Hona hemen rally bideo bat, baina zirkuito itsi batean grabatua izan dena. Oinetako marka ospetsu baten bideo komertzial bat da, konkretuki DC markarena.

Protagonista Ken Block da, marka horren sortzaileetako bat, eta kotxeak gidatzen benetan trebea.

Aipatzekoak dira videoaren kalitatea eta kamara-geldoak.

Breaking News: Some Bullshit Happening Somewhere

Hona hemen, MSN kateko albiste bat, komentatzekoa.

Argi ikus daitezke albiste honen ezaugarriak:

Erreportaria bakarra da, gizonezko bat. Ahots timbre ona dauka albistegia aurkezteko. Hala ere, aurkezle bakarra izateak mugatu dezake albistegia: ez dago beraien arteko elkarrizketarik, eta ez dago mutil eta neska eukitzeak ematen duen jokoa. 

Irudi kola bat ematen da, lekukoen elkarrizketekin tartekatuz, eta horretaz gain aurkezle eta erreportariaren arteko interakzioa ematen da, zuzeneko konexioak eginez. Irudi kola bat baina gehiago ematen da, toki desberdinak tartekatuz. Gainera, adituen deklarazioak ematen dira.

Rotulazioari dagokionez, rotulo ugari ageri dira: titularrak eta laburrak (etengabe azaltzen direnak), deklarazioak (rotuloen bidez ere ematen dira), grafikoak (gertaerarekiko antzeko gertaeren estadistikak aurkeztuz) eta gertaera horrentzako prebentzio metodoak. Hala ere, nire ustez gehiegizkoa da rotuloen erabilera, zenbait kasutan (hasierako koletan, esaterako) irudiekiko atentzioa desbideratzen duelako. 

Aipatzekoak dira, aurkezleak erabiltzen dituen hitz kalifikatibo eta subjektiboak, esaterako "fucking", "bullshit" edo "atractive".

Berria egunkaria, erreportaia luzea

Oraingo hontan erreportaia luze bat jarriko dut. Berria egunkariari buruz hitz egiten du, eta aldi berean, lehen zegoen "Euskaldunon Egunkaria"-ri buruz.

Euskarazko egunkariak, egoitza nagusia Andoainen zuen, eta Euskal Herri osora banatzen zen egunero. XX. mende amaieran, euskaraz argitaratzen zen egunkari bakarra zen; haren aurrekari bakarra "Eguna" izan zen (1937ko urtarriletik uztailera bitartean), Gerra Zibil betean Eusko Jaurlaritzak argitaratua. 2003. urtean Audientzia Nazionalak Egunkariaren itxiera agindu zuen. Honen ordez, Berria egunkaria argitaratzen hasi zen, gaur egun arte. 2010ean, Egunkariaren absoluzioa eman da.

Erreportaia hau ETBrena baina askoz luzeagoa da. Ordubete inguru irauten du, baina baliabide aldetik ez dauka aniztasun askoz handiagoa: gehien ageri direnak adituen iritziak dira, toki desberdinetakoenak (horrek dinamismo handia ematen dio erreportaiari). "Berria"-ko bulegoetan grabatutako irudiak ere azaltzen dira. Baina, esan bezala, pertsonaia konkretuen iritziak dira erreportaiaren baliabide eta elementu nagusi (adituenak, kazetarienak, idazleenak...). Ez legoke batere gaizki infogramarenbat sartzea eta herritarren iritzi gehiago plazaratzea. Erreportaia honen datu bezala, erreportariari garrantzirik ez zaiola ematen esan dezakegu, kasu honetan gutxienez.

Hemen bideo osoa:

ETBko erreportaia laburra

Gaurkoan, ETB-ko erreportaia labur bat jarri dut, beste hainbat gauzen artean.

Bertan, FP edo Formakuntza Profesionalari buruz hitz egiten da. Gaur egun, kasu asko dira gure gizartean, non unibertsitateko ikasle batek karrera bat amaitutakoan modulo bat egitea erabakitzen du, lanpostua lortzerako garaian aurkitzen dituen zailtasunak direla medio. Hau erakutsiz, modulo edo Formakuntza Profesionaleko ikastaroei buruzko ikuspegi orokorra aldatu nahi da: gaur egun, bigarren aukera bezala ikusten dira gizartean, unibertsitatera ez joateak suposatzen duen "porrotoa" bezala. Erreportaiak 2:30 inguru irauten du.

Hala ere, nahiz eta erreportaia laburra izan, honako baliabide hauek ditu:

Edukiei lotutako irudiak (ikasgelen irudiak), lekukoen deklarazioak (unibertsitarioenak), adituen deklarazioak, norberaren inkestaren datuak (FPetan dagoen unibertsitate ikasleen portzentaia...)... nagusien diren baliabideak lekukoei zein adituei egindako elkarrizketa laburrak dira, eta hauek, erritmo bizkortasun handia eta sinesgarritasuna ematen diote erreportaiari.

Bestalde, elementu osagarriak falta zaizkiola uste dut: beste ikerketa batzuen datuak (informazio osagarri bezala), infografiak, grafikoak, notizien aurrekariak...

Hemen utzi dut bideoa, ikus dezazuen:

Txileko telebistako erreportaia: Linux

Hemen jartzen dizuet erreportaia labur hau: Linuxeko software librea aipatzen da bertan, erreboluzio digital gisa.

Erreportaian, "rebolución de los medios digitales" delakoa aipatzen da, eta Linux aurkezten dute horren ordezkari nagusitzat. Erreboluzioaren funtsa, software librea da, behin sortua dagoenean ordenagailu batetik bestera igarotzen dena, dohainik delako. Honek sekulako erabiltzaile igoera dakar. Beraz, gaur egungo erreboluzio digitalaren zabaltzaile bezala aurkezten da hegoamerikan Linux.

Jane Hart-en zerrenda

Hona hemen hirugarren atazako ariketa, Jane Hart-en Top 100 zerrendatik Audacity aplikazioaren nere azalpen laburra, pantaila kaptura bidez egina Camstudio-rekin.

Gorka Palazio

Hona hemen Gorka Palazio EHUko irakasleak azken bi hilabeteetan emandako bi hitzaldi:

Bata, pasa den urriaren 15ean eman zuen Madrilen, eta QIK-en eman zen zuzenean. Hitzaldia berrikuntza teknologikoei buruz zen, bereziki unibertsitatean. Berak, "erreboluzio teknologiko" antzeko bat proposatu zuen, unibertsitatea bizi garen garaietara moldatzea ezinbestekoa zela azpimarratuz: arbela elektronikoak, etab... teknologiaren inguruan murgilduta ibili zen Palazio.

Klaseak grabatzearen ideia izan zen, seguraski, esanguratsuena: bere ustez hori aurrerapausu handia izango zen, klasera joan ez den jendearentzat bereziki.

Hemen bideo osoa:

Bestea, pasa den azaroaren 4ean izan zen.
Hasteko, bere aurkezpenean berrikuntza bat erakusten du: soinu uhinen bidez aldatzen ditu diapositibak (txalo batez bat aurrera eta bi txaloz bat atzera). Hitzaldi hasieran argitu zuen Koldo Madariagaren memorian egiten zuela hitzaldi hura.

Konkretuki, Edutec 2010en hitzaldi bat da. Honetan ere, tematika berdinaren inguruan hitz egiten du: berrikuntza eta aurrerapen teknologikoak irakaskuntza eta unibertsitate mailan.

Palaziok, unibertsitate berri bat proposatzen du, non berrikuntza teknologikoek paper oso garrantzitsua jokatzen duten. Hitzaldian zehar puntu asko lantzen ditu gaiaren inguruan: Guttenberg garaitik liburuen digitalizaziorako pausuak, klaseen zuzeneko erreprodukzioak, Indiako metaunibertsitatea, "txuletak" egiteko teknika berrien eskuratze erreztasuna...

Baina batezere, software librearen promozioa egiten du, "Linux" delakoarena. Ubuntu sistema operatiboarekiko apologia argia ikusten da, nahiko ondo argudiatutakoa.

Hemen utziko dut hitzaldi osoaren bideoa, nahi izanez gero ikusi dezazuen.

The Collective - The Seasons

Oraingoan komentatuko dudana, The Seasons dokumentala izango da.

Dokumental nahiko laburra da, orduerdi inguruko iraupenekoa, baina benetan ikusgarria da.

Bertan, "Mountain Bike" edo mendi bizikletak dira protagonistak. Minorizatua dagoen kirol baten inguruan eginiko benetako arte-lana da.

Teknikoki aztertuz, ezaugarri anitz aurki ditzakegu.

Hasteko, grabaketa kalitatea paregabea da, oso definizio altuan grabatutako imajinak dira. Xehetasun guzti guztiak agertzen dira (hautsa, belarra, harri-kozkorrak...).

Gainera, planoen eta kontraplanoen arteko jokoak azkartasun handia ematen dio dokumentalari.

Plano azpimarragarriena plano subjektiboa izango litzake: sekulako emozio gehigarritzat filmatua dago. Bizikletetan kamarak kokatuz ikuslegoari beraiek sentitzen dutena sentiarazten diete, modu txiki batetan. Beste plano ikusgarri ere erabiltzen dira: pikatua, travelling bizkorrak...etab.

Baina nere ustez teknikoki aipagarriena hauen arteko konbinaketa bat da, planoen arteko aldaketa biziak eta irudiaren kalitate paregabea.

Bestalde, edukiari begiratuz, kirol honetan benetako adituak diren pertsonak agertzen dira dokumentalaren "exekutatzaile" bezala. Egiten dituzten bira, salto, trikimailu eta abiadura handiko jeitsierak benetan profesionalak dira. Gainera, Mountan Bike-an ibiltzeko zer pauta jarraitu behar diren eta zer preparazio behar den esaten dute.

Hemen jartzen dizuet dokumentalaren trailerra, benetan ikusgarria ere eta HD-n igotakoa youtubera. Gomendatzeko dokumentala, benetan polita eta ikusgarria.

CNNko holograma

Oraingo hontan, beste berrikuntza teknologiko bat, benetan ikaragarria: holograma. Orain arte, teknika hau ikusia izan da, baina zientzia-fikziozko pelikuletan bakarrik. Askok ez zuten pentsatzen hau posiblea izatea etorkizunean.

Eta, hona hemen, adibide paregabe bat: CNNk egindako elkarrizketa bat, hologramaren teknika erabiliz. Ikusi beharrezkoa, benetan.

IMD iragarkia

Hona hemen hasieran bideo konbentzional bat ematen duen iragarkia, baina gero benetan polita eta bitxia da.

Planoa, Ikus-Entzunezko komunikazioaren oinarria

Hona hemen planoari buruzko tutorial bat, Gorka Palazio UPV-EHUko irakasleak egina, bere mugikorra erabiliz:



Eta hemen gauza berdina baina xehetasun planoarekin:

Mikel Aiestaran kazetaria, EHU-n hitzaldia

Duela egun batzuk, Mikel Aiestaranek hitzaldi bat eman zuen UPV-EHUn, Leioako unibertsitateetan.

Euskal kazetariak (2009an saritua izan zenak), bere bidaien kontakizun bat egin zuen, eta bere materiala aurkeztu ere bai. gerrako berremaile bezala egiten du lan, baina ez da bakarrik gerra garaitan joaten lekuetara. Nahiz eta berak esan bezala, ez dagoen ohituta bere buruaz hitz egitera, bera eta bere lanari buruz hitz egin zuen, bera kaleko berriemailea dela azpimarratuz, eta ez ofizinakoa. Erosoen, kalean sentitzen dela argi utzi zuen. Berriemailearen lanean azkartasuna ezinbestekoa zela esan zuen, berria gertatu den tokira iritsi orduko lanean hasteari garrantzi handia emanez.

Bidaiatzerakoan, kazetari gisa aurkezten du bere burua eroso eta lasai lan egiteko bertan. Argazkiak eta irudiak lasaitasunez ateratzeko, aurretik baimena estatzen du. Bidaiatzeko, dokumentazioa ezinbestekoa dela esan zuen, beste gauza askoten artean. Bere lan baliabideak (baliabide teknologikoak) hobetu daitezke, baina gaur egungo erreztasun teknologikoei esker behar duen material guztia daramala dio Aiestaranek.

Bere lana erakargarria eta zailtasun handikoa dela erakutsi zuen Mikel Aiestaranek hitzaldian, ikuslego interesdun baten aurrean. Hitzaldiaren iraupena 82 minutukoa izan zen.

Sex Obsessed (Putoamoak Mintzairan taldea)

Hona hemen Putoamoak Mintzairan taldearen kortoa, 2009-2010 ikasturtean egina, Ikus-Entzunezko Komunikazioa karrerarako egina. Disfruta ezazue.

Azkenengo teknologiak Telebistako informazio munduan

Hona hemen telebista munduan eman diren azkenengo hiru berrikuntza:

-3Dko bista: geroz eta famatuago eta zabalduagoa den teknologia, jendea iada ez da konformatzen betiko 2 dimentsiotako irudiekin. Beraz, 3Dak zinematik telebistara eman dute saltoa: gaur egun salgai daude supermerkatuetan telebista hauek ikusteko betaurreko bereziak. Hona hemen adibide bat, 3Dko betaurrekoekin ikusiak izatekoa (link-a jarri dut hemen ezin delako 3Dan erreproduzitu):

http://www.youtube.com/watch?v=5ANcspdYh_U

-Erreportari birtuala: Annanova du izena eta berriak, sortutako avatar virtual baten bidez emateko pentsatua dago.

-Bideo esferikoa: 360 graduetan ikusteko aukera ematen du. Tokiak behatzeko egokia. Hona hemen adibide bat:

http://www.vrhotwires.com/rtwspheres/melbourne/melbourne.html

Julián Isaías, UPV-EHU

Julian Isaias, Venezuelako enbaxadorea, egon zen pasa den ostegunean (hilak 21) Leioan, EHU-ko kanpusean, hitzaldi bat ematen. Hitzaldi hau 12:00tan izan zen, Zientzia eta Teknologien fakultatean.

Julian Isaiasek Venezuelako independentziari buruz hitz egin zuen, aurten 200. urteurrena ospatzen delako. Baina beste enfoke bat eman zion: berak zioenez, historia garaileek idazten dute, eta are gehiago kolonizazio bati buruz ari garenean. Beraz, Venezuelako independentzia prozesuan benetan gertatu zena kontatzera etorri zen, kolonizatuen aldetik kontatu zena, eta bere ustez historiaren gehiengoan falta den ikuspuntua.

Hasieran sarrera txiki bat egin zuen Euskal Herriari buruz hitz egiten eta hemengo hainbat ezaugarri umorez goraipatuz. Hau keinu polit bat izan zen bere aldetik. Gero seriotu egin zen, eta espainiarren Venezuelako kolonizazioa kontatzen hasi zen modu latzez (esklabutza egon zen, hilketak, bortizkeria, etab...), eta ez bertsio ofizialak dioen bezala.

Beranduago independentzian zentratu zen, ohore venezuelar handia erakutsiz. Izen garrantzitsu asko aipatu zituen, baina horietatik azpimarragarriena Simon Bolivar erreboluzionarioarena da.

Hitzaldiaren ostean, kolokioa ireki zen eta ikuslegoan interesa ikusi zen egin ziren galdera landu eta interesgarriekin. Hitzaldiak 2 ordu inguru iraun zuen.

Sare sozialak, moda huts bat?

Sare sozialak: moda huts bat al dira? Edo etapa berri baten hasiera? Entretenimendua helburua zuen proiektu bezala sortu ziren; baina, gaur egun, komunikazio, erosketa-salmenta, promozio, eskaparate, informatzaile, eta gune ludiko bihurtu dira. Hona hemen Prometeus bideoaren antzeko bat, non sare sozialak gertutik eta begi kritikoz aztertzen diren, datu eta estadistika asko erakutsiz. Bideo labur hau, Erik Qualman-en "Social Media Revolution" bideo orijinalaren gazteleraz egindako remake bat da.

Chavezen arrakasta Twitter-en

Hugo Chavez presidente venezuelarrak izugarrizko arrakasta dauka twitter sare sozial ezagunean.
Hemen, gai horri buruzko notizia bat, Nafarrok blogetik hartutakoa.
Bertan ere azaltzen da Chavezek bere politikarekiko kritikei erantzuteko erabili zuen modu orijinal bat: video bat.

Chavez, BBCarekin elkarrizketa sutsua

Hona hemen BBC telebista kate britaniarrak Venezuelako Hugo Chavez presidenteari egindako elkarrizketa bat. Bertan tentsioa ikusten da, batezere hasieran Chavezek Ingalaterrari buruz egiten dituen aipamenengatik; eta gero, elkarrizketa guztian zehar berari egiten zaizkion galdera konprometituengatik. Adibidez, Steven elkarrizketatzaileak esaten dionean Chavezi bere oposizioak gartzeleratzen dituela.

Elkarrizketa honen tentsioa eta debate kutsua kamarek erabilitako plano zehatz eta lehen planoei esker ikusten da ondo islatua, aurpegien xehetasun eta espresiorik galdu gabe.
Hemen elkarrizketa hiru zatitan:

Tony Blair-en autografo sinaketa kaotikoa

Hona hemen bi bideo, gertakari berdinari buruzkoak.

Nire ustez, pertsonalki, batean eta bestean gauzak era desberdinera kontatzen dira. Batean bestean baino biolentzia handiagoa ageri da, imajina esplizitoagoak dira, eta bestean Tony Blair pertsonaiari gehiegizko garrantzia ematen zaiola iruditzen zait.

Prometeus

Hona hemen bideo bat non mehatxu tonu batez azaltzen zaion munduari zer gertatuko den geroan teknologiarekin, nola azkenean danak interneten bukatuko duen. Bideo interesgarria.

Ssangyong Korando

Hona hemen spot bitxi bat, teorian iragarkia dena (konkretuki Ssangyong Korando kotxearena) baina bere izaera komikoagatik iragarki kutsua erabat galdu duena. Hala ere, nire ustez iragarki konbentzional bat bezain eraginkorra edo eraginkorragoa da, publizitate virala delako. Hona hemen "advertaiment" delakoaren adibide on bat: